Wien a sengem eegene Gaart e Liewensraum fir Planzen an d’Aartevillfalt wëll schafen, verzicht op déi ökologesch Nullnummer genannt “Schottergaart”. Dogéint kann e Steegaart oder eng Dréchemauer visuell eppes Besonnesches am Zesummenhang mat Planzen duerstellen a gläichzäiteg Déieren an Insekte Schutz bidden. Passend zum Thema wäert de CIGL Roeserbann & Weiler-la-Tour a jeeweils engem Beet dës Géintiwwerstellung illustréieren. Zousätzlech fënnt eng Meditatioun mam Steen mam Aline Nowacki statt. Musikalesch Animatioun: Mil Garofalo & Lungo Fir Iessen a Gedrénks suergt Gaart an Heem Réiserbann. Gratis Entrée. Ouni Umeldung.